Geir Guðbrandsson

Já nú er kominn tími á nýja færslu, þegar ég las þetta frétt á leiðinni í skólann í morgun þá varð ég soldið pirraður, svo varð ég bara sár. Nú þekki ég svolítið til Birkis Freys, hann bjó í sama hverfi og ég, gekk í sama grunnskóla og ég og eldri bróðir minn var með honum í skólaárgangi. Birgir er voða ljúfur drengur og á svo sannarlega skilið að fá íbúð á leigu einhversstaðar, rétt eins og aðrir fatlaðir og allir Íslendingar almennt, það eru sjálfsögð mannréttindi.

Nú skil ég ekki afhverju yfirvöld tala alltaf stórum orðum um það að bæta svona mál, setja þau framarlega í forgangslistann fyrir kosningar og maður hugsar sér gott til glóðarinnar fyrir hönd þessara einstaklinga sem góðs myndu njóta af slíkum framförum, en svo þegar líða fer á kjörtímabilið hefur þessum íbúðum FÆKKAÐ? 

	Vill sjá soninn búa einan
Ábyrgðarmaður færslu Tilkynna um óviðeigandi tengingu við frétt

Já þetta þykja mér góð tíðindi, innflytjandi á þing og við fáum mann með vit í kollinum sem veit að atvinnuleyfi á að gefa út á persónur en ekki verktakaleigur. En eins og í titli færslu þessarrar má gott lengi batna og hefði mér þótt enn betra hefði Austur-Evrópubúi tekið þetta verkefni að sér, að sitja Alþingi íslenska lýðveldisins sem fyrsti innflytjandinn þess til.  Hefði viljað sjá Letta, Pólverja, Rússa, Hvít-Rússa eða mann með álíka þjóðerni gera þetta, en þó hef ég trú á herra Paul Nikolov til að standast þessa áskorun með miklum prýðum.

Gangi þér vel. :) 

	Fyrsti innflytjandinn á þingi
Ábyrgðarmaður færslu Tilkynna um óviðeigandi tengingu við frétt

Lágmarkslaun duga fólki ekki til að komast af. Þetta höfum við lengi vitað, þetta eru ekkert nýjar fréttir, og að þau séu svona rosalega langt frá því að duga eru heldur ekkert nýjar fréttir, við vitum vel að það lifir enginn á 15000 krónum á mánuði, hvað þá 106000, það er allt of lítið.

Nú þurfa ráðamenn að hisja upp um sig buxurnar og hækka lágmarkslaun og skattleysismörk svo fólk sem á ekki hlutabréf eða kvóta geti nú lifað sómasamlegu lífi! 

	Lágmarkslaun duga ekki fyrir húsaleigu
Ábyrgðarmaður færslu Tilkynna um óviðeigandi tengingu við frétt

Já nú er vetur konungur farinn að láta til sín taka á vegum landsins og lætur okkur hafa það óþvegið, hálku og slyddu og leiðindi og því ekki seinna vænna að koma sér á vetrardekk svo ekki fari illa.

Maður spyr sig, ef að Íslendingar væru jafn bráðir á að sinna öðrum nauðsynjaverkum, væri þá ekki margt miklu betra? Það þarf nú ekki langt að leita eftir dæmum um hluti sem mætu ganga jafn hratt fyrir sig, til dæmis bara það að skipta aftur yfir á sumardekkin þegar kóngsi fer í frí, það er staðreynd að nagladekk eftir að veturinn hefur sagt skilið við landann er að valda miklu sliti á malbiki og myndast mikið sandfok og vesen sökum þess. Svo ekki sé talað um aðra hluti eins og að skila skattaframtali, bókum á bókasafni, verkefnum í skóla og bara almennt séð að vera ekki að falla á tíma.

 Ó hve ljúft væri lífið ef fólk væri ekki fífl, en djöfulli væri það leiðinlegt maður.

	„Morgunninn byrjaði næstum því með slagsmálum“
Ábyrgðarmaður færslu Tilkynna um óviðeigandi tengingu við frétt